كل ما شمس العصر قامت تمايل قامت همومي من الظيقة تفرا ...اتصبر واتناسا واتحايل مير كني اللي على موته يورا لو مدحت الحال للوجعه دلايل التنهت لايرد ولا يذرا ياشبيه الريم في وادي محايل دارعك زينن فغيرك مايطرا العيون الدعج منسوع الجدايل القوام الغض والخصر المبرا الفخامه والطخامه والـ ستايل غرو بدو يقضي المصياف برا يدري ان حبه عمل فيني عمايل وادري ان وده يغامر ويتجرا حايلٍ من دونه سلوم القبايل الوصل محذور والعالم تزرا ياحبيبي ليت لوصالك وسايل برني بالوصل ساعه ونتبرا الوضع والله مدري كيف قايل بس دامك حي بصبر واتحرا