يا مرايا علاش من نفس الشيرة ونفس التصويرة واقفين ثنين العين في العين غراب على بعضنا لا فهمنا بعضنا ولا فهمنا حد ...يا مرايا علاش خيالي فيك بالح بردان ومالح يخبي في الليعة ما يطيق وجيعة وما يشكي لحد يا مرايا علاش كفي على كفي بارد نحسب في خطوط اليد خيالي في جبيني شارد ما نعرف فاش شرد واللي على جبيني ما راتو عيني والي ريتو في عيني ما شافو حد ولا رفعو قلبي ولا حملو الخد يا مرايا علاش ما تحلش بابك ندخل نجري نعنقني نحكي معايا ننطقني نغرق في شوني كتافي يواسوني نرشم بوسة على جبيني نمسحلي دمعة عيني ونحط يدي فيديا نطفي النار الي فيا ونقلي نحبك ما نقولها لحد.