أنا الكبير الذي يبقا حضوره حضور وانا الحضور الكبير اللي عليه الكلام ... وانا الكريم الذي لا ما يجيه القصور وان مر بالوقت ما مرك مرور الكرام يستسهل البعد من قلبه عديم الشعور ويستصعب البعد من ضحى وجاه الملام نويت درب المفارق ؟ روح منت امعذور وان ضقت / لا عاد ترجع منت لاقي مقام عطيت من قلب صادق ما يلف ويدور والحين وش ينفع الماضي وكثر الكلام خل الذي بالصدور يموت وسط الصدور واللي مضى من ليالينا عليه السلام من لا يوقف معي وقت الرخا والسرور ماهو بواقف معي لا طال ليل الظلام نهاية السالفه / مات الغلا والشعور والحين كلك على بعضك عليك السلام