ياحبيب القلب غازي بعد رحلتك الطويله والطريق اللي خذاك بعيد بالصبر اختصرته ...يامنادي وين غيداء كان ما باليد حيله مير كان القلب عندك يالغلا وبيدك اسرته لاكن اليوم المواصل بيننا بسهل وسيله شوفني لك مقبله وانت القبال اللي نطرته جيتلك والشوق فيني كل يوم وكل ليله ينكسر وبشوفتي لك في سناباتك جبرته روح روحي وش يكون الروح لو منته بعديله والله ان الصبر بحرن لجل لقيانا عبرته من يلوم اللي تحب انكانها عفه واصيله قولو الها تشوف غازي ساكنن في روح مرته ماعطيته من قصيدي والخصال من الجديله كلي اله وكل مافيني لجل عشقي نذرته هو حليلي وافتخر يومني الهذاء حليله بيني وبينه عهود وعهد خلي ما كسرته التقي الزاهد اللي مكتسي ثوب الفضيله لو ماجاد ابه الزمان الود عن غيره قبرته جيت ياغازي وانا اللي شامخه مثل الكحيله غير زولك لو بنص العين والله مانظرته كان لدنياء نعيم انته ياغازي سلسبيله وكان فيه الها جمال انته جمالً ما حصرته فيك عطف وفيك لطف وهيبتك فخمه ثقيله وبعيونك ليلً اسود كل مانامو سهرته يافديت اللي بعطفه برّد الروح العليله كل ماتتعب عليّه عطفك الناعم نثرته