يامل قلبن من صواديف الزمن همه ثقيل اثقل من حمول الجمال الي تشيل احمولها ... ياكم شقيت وكم عنيت وكم نهار وكم ليل ما كني الا ارسم كروكي عرض الارض وطولها وهاذي تراها من سبايب نظرة الطرف الكحيل عسى العمى قسم العيون الحاسده من حولها ودي بوصفك ياغزال تملك الوصف الجميل وشلون مدري يمكن العالم تزوغ اعقولها وصفك خيال وقبل اشوفك ما عرفت المستحيل حتى الحروف الشاعريه فيك يطرب قولها الطول شامخ والعيون النجل والخصر النحيل والوجه شوفه كل شده فالصدور يزولها والشفه الي كنها الورد وطعمها سلسبيل غنوا لها يالي تعشقون الطرب غنوالها والعين عين الحر الاشقر والخشم سيف صقيل سبحان من كمل وجمل في وصايف زولها ياكامل أوصاف الجمال العذب والعنق الطويل ما كل من يرغب يطول الشامخات يطولها تدللي يانور عين الي غدى قلبه عليل مثلك تدلل ونخدمها ونخدم مرسولها قسمك من اسمك فالاناقه والانافه والدليل وقبيلتك كل القبائل يعرفون فعولها ربعك زحول المجد واهل الفعل والسلم الاصيل يوم القبايل تفتخر بافعالها وزحولها قلته وانا روقي وربعي مجدهم ماله مثيل حنا الفخر كان المعارك دندنت بطبولها نرقى سنود ولا نكل ولا نمل ولا نميل بفعالنا نلطم وجيه اخصامنا ونهولها