لحظه قبل لا تقول لي تحبينه ودي اسولف معاك وطالعي عيني ومن بعدها سوي اللي بتسوينه ...حتى لو انك بعدها راح تنسيني الحب ما كان يستاهل تخونينه بالعكس انا كنت استاهل تحبيني حبيبك ان غاب عنك لا توصينه مافيه داعي على نفسي توصيني ولا تحاتيني غيره يا بعد عينه لكن انا بعد عينك من يحاتيني تذكري قلبي اللي ضاعت سنينه حتى ولو كانت الذكرى تبكيني العام شاعرك كنتي من محبينه واليوم مكسور من صدمة محبيني قولي لي منهو بعد حبي تحبينه اني احبك لو انك ما تحبيني قوليله ان المحبة في شرايينه قوليله ان الخيانة في شراييني كنت احلم بصوت الصليلي وتلحينه تخيلي اليوم الصليلي يغنيلي الله على احساسه وتسلم لي ايدينه من كثر ما حس فيني جا يواسيني الا انتي احساسك اللي ما عرف وينه الا انتي احساسك اللي ما عرف وينه ماني بحاجة احساسك لا تحسيني لكن امانه اذا جيتي تلمينه لا تلملمينه مثل ما انتي تلميني واذا شبكتي يديك في راحة ايدينه تذكري كيف كانت ترجف ايديني عطرٍ شريته عشانك لا ترشينه خليه ذكرى لي ما بينك وبيني أنا أول انسان يستاهل تحبينه وانا اخر انسان يستاهل تخونيني