- ريدتي ليك يومي زايدة .. يا عرق الدهب انا يا وليد الرشايدة ... ...- ان ما بقيت لي مافي فايدة .. تطفي لي النار الفيني قايدة .. وان مشيت مني بتلقاني بايدة .. وان مشيت منك تلقاني عايدة ... - انت سايق البوكس وعينك صايدة .. وانت الصيدة الحرة المني شاردة .. انا ليك سلمت وما مطاردة .. انا ليك براك اصبحت لغيرك حاردة ... - ابقى ليك بس لي الله شاحدة .. يا ابو هيبة يا الكلمتك واحدة .. يا الرشيدي ليك بالريدة واعدة .. ريدتك في القلب جواهو قاعدة ... - يا اب سديري يا اب عمة فاردة .. يا اب كلاماً حار والواطة باردة .. ان ضاضوني فيك انا برضي صامدة .. كونك حبي انا لي الله حامدة ...