الا ياقمر ياللي لك العالمين شهود تسلم على اللي يشبهك و أنت شبهٍ له ...الا ياقمر سلم على الغايب الموجود معا طلتك يظهر لنا باهي الطله جمالك يبين اليا نظر لك ليان العود تعكس الحلا من وجه خلي على حله الا ياقمر لاعاد تبطي على الملهود مادام ان طلوعك يجلي الهم والعله تعاهدت انا وياه في نورك المجرود نقابل بعضنا فيك و نصلح الدله على لاضي الاشواق فاحت غلا و سعود وفنجالها بالحب نملاه ونزله وعلى المبخره يلضى الوله و استدار العود على سلم شيخانٍ على الدين والمله عتب وانفعالات وسوالف بدون قيود نعقد الحبل ونقوم ونعود و نحله هوانا بلا ديرة ولاله وطن وحدود على سطحك أبراجه و وجهك مقراً له يشوفك و أشوفك والمشاعر عليك وفود الأشواق ترسل لي خلالك وترسل له بعيدًا عن العذال والحاسد المقرود على روسهم طاب السمر ليلنا كله و اذا غبت وادعته وانا خاطري مفرود وانا والله اني من غيابك على مله الا ياقمر لاعاد تبطي على الملهود مادام ان طلوعك يجلي الهم والعله