وش اخلي من جمالك وش اشوف ان نظرت الوجه اذهلني القوام وان نظرت الخد تذبحني الكفوف ...تاخذين العقل مافيها كلام مايبي لي لا دليل ولا حلوف عطرك الريحان وانفاسك خزام وليته اللي لامني مره يشوف لو نظر في وجنتك ينسى السلام نظرتك توجع ورمشك مايروف ما كذبت ان قلت في عيونك سهام وعودك اللين من الرقه عطوف لين ماكأن في جسمك عظام لا وصلتي توقف العالم صفوف من تجين تصير هالدنيا زحام كلن يزاحم على الشوفه لهوف مايفكر في الكلام والملام ميزك ربي على كل الالوف كنك القمره ومن حولك ظلام لا جواهر لا العنود ولا الهنوف من نظر حسنك نسى طعم المنام