صفر خمسه صفر والثلاثة دق ثنتين وسقها باربعه خمس، دقي يا كبينه ...الو، مسيت بالخير يا طلق الحجاجين يا حرٍ في انحور المعادي ذاخرينه أنا ودي بمدحك على وضح النقا الزين ولاني بأمدح الرجل أبي مدّة يمينه عليّه بالحرام، وقسم بالله ويمين ماني بأمدح مدوّر وش ايجي ف الخزينه غِني نفس وغِني مال وأملك لي ملايين وشيكي بالذهب ف التميّز كاتبينه مِدير البنك لو أني ابصرف لي ألفين يجيني في محلّي، عسى الله لا يهينه لكنّ المدح يزهاك يا ركن الشيابين يا نطاح المواجيب يا هيف السمينه يا نايف يا ابن قرعان يا ضد المعادين يا هدّاج المعاريف يا مِهدي الثمينه تمنى عِزك زحول ربعك والميامين ادعاهم "جعل ربي يطوّل في اسنينه" وتمنى طيحتك شلّة النقص ومساكين لكن قلنا لهم "هيه! وين انتم ووينه" أكلت كبودهم بالمراجل يا أحمر العين ووضحٍ ما لها مع هل *الويضوه عينها* تخيّرت النوادر من *عموق* البعارين سَنَادٍ لو عَرَضَ للغشيم ايعرف زينه *ماتنت خير وضحاً غزيز* مع البدواين ثمنها يقضي الدين للديان دينه احجاجٍ ما يِعقّد، وتشعرية دواوين بشوش الوجه، يندى على الطاله جبينه انماري به بالاقصين، قدام الموالين وإلا زمّ الموالي كحلنا نون عينه صفى الصافي وبانت لنا المويه من الطين وبان النا الكفو والدويني خابرينه حمامه يا حمامه وش علومك تنوحين عرفنا نوحك اللي تنوحينه غبينه تجارين الذيابه على شمّ الضلاعين اعواها يختلف يا حمامه يا حزينه لو إنك من حمام الحرم قلنا لك آمين لكن منتي لمكّة ولا أنتي للمدينة خلصنا منك والمختصر من بين قوسين على شاطي البحر وقفيني يا سفينة من ايلومك لا غنيت يا ابن اخ القراعين *تبجّه* وافتخر والمفاخر وارثينه ما دام انّا هل الاوله، والا من اسنين نِرِد عدّ الروى والقطيع امتيهينه ادغيشاتٍ تدوس الخطر ف العسر واللين اتعن الخيل لعيون بوشٍ محتمينه اهل ماضي الهديره، يقبقب لين هالحين نزوده عز وافعال ما نوفي حنينه