لابدت حافط عليها ربّه الوجه المليح واقبلت بنتٍ حلاها يختصر كل الملاح ...لاتلومون الحروف ان ماوفتها بالمديح واعذروا البدر ان تعثر من على الغيمه وطاح قولوا هذي الزين كله قولوا للورد استريح منت برقه حلاها او شذى العطر اللي فاح قولوا هذي الزين كله ولا قولوا بالفصيح آيه السحر المباح .. يامساء الفرحة اللي تبعد الهم وتزيح بحضور اللي لقاها يولج القلب انشراح الحشيم اللي حكيها كنه الندى لما يطيح من على النرجس وتنعش قطرته روح الصباح .. في فرح بنتٍ نسبها يشبه النور الصريح بحضور اللي لقاها في سماء الامجاد لاح ياعسى يسعدها ربي خالق الكون الفسيح في حمى شيخ فؤاده مثل مالعذب القراح يامساء اللي في سماته يرتقي ويحلى المديح الكريم الشهم اللي طلته هيبه وسماح يامساء اللي نال قلبه ربه الوجه المليح الاصيله اللي حلاها يختصر كل الملاح