في عيون تخلي الزول لا شايف ولا سامع في عيون تخلي الزول لا شايف ولا سامع ...وفجأة تشيلك امواجها.... وتوديك السما السابع تنسيك اسمك حروف اسمك.... اسم جدك الرابع في عيون تخلي الزول لا فاهم ولا عارف لييه الدنيا بتنور وليه ليه الزمن واقف؟ عيون بتخدر الصحراء عيون بتطمن الخايف تبقيك زي عديم الحيل تحس روحك زي الواقع في عيون بترمي الزوول... بتغير طباع الناس تساهر بيك طول الليل.. ما يغشاك فيهو نعاس وسيدها في الحرير نايم.. فاض بيهو الدهب والماس وما يديك منه حنان.. هو المنو الحنان نابع في عيوون زي الانغام.. تشيل بالك تسافر بيك عيون بتوري نجم الليل... وانت تشوفو بى عينيك تشوف بيها القمر جمبك... تحس ح تلمسو بايديك تقول ليك القدم محبوب.. واكييد والله ليو رافع