سبحان سبحان من خلاك تثقل على اللي علمك ... كيف الناس تثقل على الناس أول وهو يسقيك كاس التغلي واليوم هو يشرب من يدينك الكاس ياللي على عرش الخفوق متعلي دارت عليك وصاحوا الناس لا باس أول تحسب الشوق لعب وتسلي واليوم كنك تضرب أخماس بأسداس تعال ياللي ضيع الدرب قلي حسيت وألا انك بعد فاقد إحساس ترى الحياة ليا خذت ما تخلي وا عزتي لمضيع الدرب عاس اللي حصل لك صدق إنه حصل لي كني أشوفك تايه بزحمة الناس وإن كان عودنا على طير ياللـي بعض المفارق يالغلا يرفع الـــراس