عذروني البعاد وحبابي حطو في عنقي سيف تقسم المظل في اليد وخدلني بريح خفيف أجي تقرا كتابي نسّيك شمس المعاريف ...ندفى بالبرد ونتغطى بسمرة العصيف الايام والاعوام تحكي وتعاود ظروفي فيا يا حنينة شوفي وحسي بالجراح اللي في جوفي عايم والعوام البحر ما يشوف لا خوفو ولا خوفي والامواج تغرق وتنجي وخدّي تواسيه كفوفي راه في بالي شلَّى سنين واللي فات ومات ساهي وخيالي راح فين خليت الذكريات ماشي فين وجيت منين ومنين جراحي جات ماهي حكاية را حكايات اللي خلات رموشي حنات واش دمايات الجراح السايلة من جناح الطير ماشي كافية ومبقاش من الدم كتير والشمع ما بقات فيه عافية والفتيل شنو غيدير والدنيا غابة يابا شبت وباقي صغير مرة معايا ومرة عليّا ضربة في الزمان وضربة فيّا يا عمري فين ماشي بيّا ما تخافوش تغلب النيّة أنا اللي مرة معايا ومرة عليّا بغي نقول بلي ضربة في الزمان وضربة فيّا طاير ومعلي يا عمري فين ماشي بيّا وخا من ولّي ما تخافوش تغلب النيّة جواري خالي وما ليا ونيس من غير ظلي يا القمرة طلي راه ما جانيش النوم ليالي مكسور جناحي طاير ومعلي رايح ومخلي كولشي وعكس الامواج نعوم جات الساعة باش العيون تحكي وتتكلم والشفار ينوب على اليدين ويرفض يسلم ما وفات حروف ولا كلمات وعقول تخمم بشوفات ندويو ونخليو القلب يتألم وبلا ميعاد فهاد المكان حضرت وجيت ما نسيت اللي بكاني واللي كرهني ولي بغيت خاين يا زهر وفوام تهضر تهدم لي بنيت ويا ريت يا عمر نقدر نعيش كيف ما تمنيت وإذا جيت في منامك ياللي مغمض العيون باش نضوي بيتك لا كان مظلام وبلا لون مرة معايا ومرة عليّا ضربة في الزمان وضربة فيّا يا عمري فين ماشي بيّا ما تخافوش تغلب النيّة أنا اللي مرة معايا ومرة عليّا بغي نقول بلي ضربة في الزمان وضربة فيّا طاير ومعلي يا عمري فين ماشي بيّا وخا من ولّي ما تخافوش تغلب النيّة