لابدا تعرف أنيِِِ كنت معدن صافي واني كنت الوافي في العهد قد الكلام واعرف انيِ عطيت واجد ولي خذيتاا كان مش كافي ...ولي شالنه كتافي اهموم اتهد حيل اجبال كنت بكلام نداوي في جرح حبري شافي داريِ يا الوقت كافي وعالىَ الدنيـا سلام طفل بريئ كنت محتاج الحظن دافي ملقيت خاطي القوافي تحظن حبر معبي جمام بووي لذغه سامه. كمدة فوق صدري غامه وعندي قناعة تامه لي خاسرني خسران مش لي شخص نحكي بعامــه. لي مش زابط مش هامـه كل حد بعقلـه نعاملـه مع الوقـت كل شي بـان من لي بان؟ بان من لي عندا فعل من لي عندا بس لسان قولي شن دار وكان ؟ بيش تقدر اسم وشان ! ماعنديش رباطي مال. مخزون قدري مليان مخفتش من قدع خفت من ظربـت جبان مخي يحسب واجد تفكيـــر نسهر طول الليل كل اللي في راسي يطــر ونشالله خيــر يارب انديـر ونطيـر ونشـالله انتوب نحب نبدل خط السـير عقلي يحسب طول الليل كل لي فراسي يطير والناس لي تبي فيا الشر اكثر من ناس الخيـر سـاهر طول الليل ساعات لشتاء طـويلـه انا ماشي وين مفش في يدي حيله غير اني ديمـه ماشي شور الهاويه ليبيا ع الخير مش ناويه وعندي ثقه في ربي اني حنظحك يوم ميـتي لكتوف مش متساويه. كاره حيات اللاريـا حبيت نحرق لاكن ماحبيتـش نحرق اميمتـي شنو صارلي ؟ رعب دسكـة تشارلي والدوخه فوق من عاليـه عايش بكيف بوب مارلي الواقع هوا لي ختارني. كبير من جيل بارني ماعشتش طفوله من صغري المخذر كارني امي تبيني بدبلتي باتي يبيني في قبلتي هلي يبوني نسيب راب عشقي الوحيد في دنيتي باتي يبيني خير منا بس باتي انتا قدوتي وانا غلطتي اني حسبت حسبه ماهش حسبتي يومي و همومي في 24 سوا صاحي ولا في نومي في نيتي انوض قبل ال 00 ناشط في يومي نبيش اشكال جديده في يومي يكفي معايا الهومي يا القومه دوري برمه لعند طبوري شوفي الحال كلامي في سطوري المقصـد صفي الوضع بدل حال تمشي أموري نبي راحة بـال من العيشه مال ماتو الرجـاله راحو الداواعش جـو داعش مـال مخي يحسب واجد تفكيـــر نسهر طول الليل كل اللي في راسي يطــر ونشالله خيــر يارب انديـر ونطيـر ونشـالله انتوب نحب نبدل خط السـير عقلي يحسب طول الليل كل لي فراسي يطير والناس لي تبي فيا الشر اكثر من ناس الخيـر سـاهر طول الليل ساعات لشتاء طـويلـه انا ماشي وين مفش في يدي حيله