وحيد .. لو حولي كثير والكون في عيني يضيق ومابي افهم وش يصير! ...ولا اعرف اخر هالطريق من رحت هاذي حالتي منهك ولا اعرف راحتي كنت انت كلّك غايتي واليوم في بحرك غريق اشوف طيفك لي قريب واحيان احسّه شي غريب والناس سمّتني مريب لا لي حبيب و لا صديق اشتاقلك واضيع فيك واضيع منّك والتقيك ما كنّي الاّ محتريك واقرب من انفاس الشهيق لوحدي و كنّي عن العالم غريب ضيّعتني واصبحت من دونك وحيد ما صرت اخاف يمرّني وقتٍ عصيب اخاف .. من لحظة تمر وانا سعيد تعال تكفى و ضمّني هاتك لو انك تذمّني قربك تراه يهمّني وما دون ذلك في حريق شفني على ما قيل ابيك ابيك كلّي وارتجيك ليت ان يديني في يديك واصير لشعورك شقيق اتعبني غيابك كثييير وطعم الحياة اصبح مرير بالله وش باقي يصير ؟ تعبت .. انا ما عاد اطيق ناظر فحالي .. واعترف انّه خطاك المُقترف نلت الجروح بكل شرف وخاويت همّي في كلّ ضيق لوحدي و كنّي عن العالم غريب ضيّعتني واصبحت من دونك وحيد ما صرت اخاف يمرّني وقتٍ عصيب اخاف .. من لحظة تمر وانا سعيد