بين غمضة عين يوم النوم جاني وبين فرّ السبحة ونسف العمامة شرّد الأفكار جتني في مكاني ...وبيّح المكنون من عقب انكتامه أشرب الفنجال ما أعد الثواني تايهٍ في سوق عقلي وازدحامة والهجوس اللي سرى بعد الثماني لين بان الخيط الأبيض من ظلامه الظروف اللي طوت كل الأماني فارضة عليّ دستور الزعامة ما جرى لي يعجزه وصف اللساني يوم شرع الحب عقّد في نظامه آه يا جرحٍ غزى عوج المحاني ما يزيله لا طبيب ولا حجامة أحسب إني فزت وإنّ الحظ زاني وأحسب إن الأمر في ذروة سنامه لين صار يموج بي تالي زماني بين مد وبين جزرٍ والتطامه دورة الأيام ما تعطي ضماني من تجنب ضربها نال السلامة وحلمي اللي عامرٍ وسط المباني في نهار الجمعة أعلن انهدامه