تنقى يا بعد كل الخلايق وأطلبي وأعطيك وضعت القلب بيمينك وسلمتك نظر عيني تراها كلها فدوة تنقى كل ما يرضيك ...إلا شفت السعادة في عيونك كأنها فيني أنا قلبي مثل طفل تضمه بالحنان إيديك عيونه كل ما أبعدتي تقول بصمت ضميني غرامك رجع أشواقي ورا الأيام حب وطيش متى علمي بلحظات السهر يا بهجت سنيني أحبك قبل لا أشوفك ومحتاجك قبل لا أجيك تمنيتك قبل لا أدري إذا كنت تمنيني حفظت أسرار ما أحسه تجاهك واعترى مغليك وعلمتك عقب وصلك وش اللي فيك مغريني على بحر الأماني واللقاء خل الغريق يعيش يا كثر العابرين اللي ملامحهم ما تسبيني أنا ما أدري وش أعبر أنا ما أدري وش أسميك لكني أسعد العالم مادام إنك تحبيني قتلني صوتك الناعم لا سولفتي عليّ بشويش أسرني عطرك اللي عاد له باقي على إيديني تقاسمنا المشاعر والصدف لا تسأليني ليش يا كم حاجة بنفس الوقت صارت بينك وبيني إذا قلبي وهو قلبي إذا غبتي يسولف فيك أجل ش أقول عن طيفاً يصبح بي ويمسيني مادامك في نجل عيني يا جعل العين ما تبكيش إذا مريت في بالك وفي دقي لي وحاكيني أمانة طمني قلبي مادام أن الوصل يمديك قليلك عن كثير العالم بأسره يكفيني تراني مستعد في زحمة العالم أضم إيديك عشان أحرق قلوب العالم اللي ما تدانيني هلا بك كل ما أبطيتي وجيتيني ويا لبيك يا حي ذا العين من وصلك ونظرة عينك بعيني أنا أحبك وأحب أمك وأبيك وكل ما يعنيك وما يزعلك يزعلني وما يرضيك يرضيني طلبتك طلبة وتكفين دام إني مولع فيك ترى عند البدو عيباً عقب تكفى تخليني طلبتك طلبة وتكفين دام إني مولع فيك ترى عند البدو عيباً عقب تكفى تخليني