هلا يا مرحبا و اهلا هلا بالغالي المفنود هلا به يا هلا و اهلا الي في خافقي مغلاه ...هلا و يا مسهلا و رحبت به ترحيب عد النود هلا بلي زهى داره و داري و بوظبي مرباه هويت النايف المرموق و اهوى بو عيون سود منايه و منوة العشاق خل خافقي يهواه خذا حسن الدهر كله و غدى لي من عجيد الخود و اذا شفته ذكرت الله و يا سبحان من سواه سحاب الحب و امطاره علينا بارق و رعود علينا الراعبي يحوم و بلحن الهوى غناه غرقت فبحر حبه و اعلنوا باني انا المفقود او اني في بحوره ضايع لي ما لقى مرساه تخيلت الهوى سكر حلا و اذوب لو موجود و منه احلوت ايامي و انا دنياي من دنياه انا كله و هو كلي لنا حب بليا حدود انا لا حي من دونه و انا لا عاشق لولا عليه اغار من عين تشوفه و خافقي مسدود و اموت ان سار و احيا يوم طيفه ياب لي ذكراه علاج النفس و علاجي و شوفه يبري الميهود سعيد الحظ من شافه ومن الي تشرف بلقياه اذا يطري على بالي دعيت الباري المعبود عسى المحبوب يبقى لي دعيت الرب لي يحماه اذا هاج الشعر به صار لي في شعري المقصود اذا طيفه يراودني اقول يعلني افداه